Sanjeevani Health Scheme: ఏపీ సంజీవని పథకం – ఇంటివద్దే 2.5 లక్షల ఉచిత చికిత్సలు

By Hari Prasad

Updated On: 09/24/2025

Follow Us

ప్రజలకు శుభవార్త చెప్పిన సీఎం చంద్రబాబు – ఇంటి వద్దకే 2.5 లక్షల ఉచిత చికిత్సలు | AP Sanjeevani Health Scheme 2025

ఆంధ్రప్రదేశ్ రాష్ట్రంలో ప్రజల ఆరోగ్యం కోసం మరో కీలక అడుగు వేసింది కూటమి ప్రభుత్వం. తాజాగా సీఎం చంద్రబాబు “సంజీవని పథకం” అమలు చేయబోతున్నట్లు ప్రకటించారు. ఈ పథకం ద్వారా ఇంటివద్దకే వైద్య సేవలు అందించబోతున్నట్లు తెలియజేస్తూ ప్రజలకు శుభవార్త చెప్పారు.

ఇంటివద్దకే వైద్య సేవలు – 2.5 లక్షల వరకు క్యాష్‌లెస్ ట్రీట్మెంట్

సంజీవని పథకం కింద వైద్య బృందాలు నేరుగా ఇళ్ల వద్దకు వెళ్లి ప్రజలకు తక్షణ చికిత్స అందించనున్నాయి. అంతేకాకుండా యూనివర్సల్ హెల్త్ పాలసీ ద్వారా పేద, ధనిక తేడా లేకుండా అందరికీ రూ.2.5 లక్షల వరకు క్యాష్‌లెస్ చికిత్స లభించనుందని సీఎం చంద్రబాబు స్పష్టం చేశారు.

కుప్పం నుండి రాష్ట్రవ్యాప్తంగా విస్తరణ

ఇప్పటికే సంజీవని పథకాన్ని కుప్పం నియోజకవర్గంలో పైలట్ ప్రాజెక్టుగా విజయవంతంగా ప్రారంభించగా, ఇప్పుడు చిత్తూరు జిల్లాలో కూడా విస్తరించారు. త్వరలోనే ఈ పథకాన్ని రాష్ట్రంలోని అన్ని జిల్లాలకు విస్తరించి, ప్రతి ఒక్కరికీ ఉచిత వైద్య సేవలు అందించేలా ప్రభుత్వం చర్యలు తీసుకుంటోంది.

ఒక్కొక్కరికి రూ.15 వేల దసరా కానుక!..అక్టోబర్ 2న ఖాతాల్లో నేరుగా డబ్బులు జమ | Auto Drivers Sevalo Scheme 2025

బిల్ గేట్స్ సాంకేతిక సహాయం

సంజీవని పథకం అమలులో ప్రపంచ కుబేరుడు బిల్ గేట్స్ సాంకేతిక సహాయంతో పాటు పూర్తి సహకారం అందిస్తున్నారని సీఎం చంద్రబాబు వెల్లడించారు. ఆరోగ్యరంగంలో అత్యాధునిక సేవలను ఏపీ ప్రజలకు అందించడానికి ప్రభుత్వం కట్టుబడి ఉందని తెలిపారు.

అదనంగా – ఎన్టీఆర్ వైద్య సేవలో పథకం

ప్రభుత్వం మరో ముఖ్యమైన ప్రకటన చేసింది. ఎన్టీఆర్ వైద్య సేవలో పథకం కింద పేదలకు రూ.25 లక్షల వరకు ఉచిత చికిత్స అందించనున్నట్లు సీఎం చంద్రబాబు తెలిపారు. దీని ద్వారా ఆర్థికంగా బలహీన వర్గాలకు కూడా అధునాతన వైద్య సేవలు లభించనున్నాయి.

వ్యవసాయానికి వరం – పల్నాడు ప్రాజెక్టులు

ఆరోగ్య రంగంతో పాటు వ్యవసాయ రంగానికీ ప్రభుత్వం పెద్దపీట వేస్తోంది. పల్నాడు జిల్లాకు జీవనాడిగా ఉన్న వరికపూడిశెల ఎత్తిపోతల పథకాన్ని పూర్తి చేసి, 1.25 లక్షల ఎకరాలకు సాగునీరు అందించనున్నట్లు చంద్రబాబు ప్రకటించారు. అలాగే సాగర్ కుడి కాలువకు గోదావరి నీటిని తీసుకువచ్చే కృషి జరుగుతోందని తెలిపారు.

20 రూపాయలకే ₹2 లక్షల బీమా – పేదలకు PMSBY సురక్షిత భరోసా!