ఒక్కొక్కరికి రూ.15 వేల దసరా కానుక!..అక్టోబర్ 2న ఖాతాల్లో నేరుగా డబ్బులు జమ | Auto Drivers Sevalo Scheme 2025

By Hari Prasad

Published On: 09/25/2025

Follow Us

ఏపీలో ఆటో డ్రైవర్లకు దసరా కానుక – ఒక్కొక్కరికి రూ.15 వేలు జమ కానున్నాయి | Auto Drivers Sevalo Scheme 2025

ఆంధ్రప్రదేశ్ ప్రభుత్వం ఆటో, ట్యాక్సీ, మ్యాక్సీ క్యాబ్ డ్రైవర్ల కోసం ప్రత్యేకంగా “ఆటో డ్రైవర్ల సేవలో స్కీమ్ 2025” (Auto Drivers Sevalo Scheme 2025) పేరుతో కీలక పథకాన్ని ప్రవేశపెట్టింది. ఈ పథకం కింద అర్హులైన ప్రతి డ్రైవర్‌కి ప్రభుత్వం రూ.15 వేల ఆర్థిక సాయం అందించనుంది. ముఖ్యమంత్రి చంద్రబాబు నాయుడు స్వయంగా అక్టోబర్ 2న గాంధీ జయంతి, దసరా పండుగ సందర్భంగా డ్రైవర్ల ఖాతాల్లో నేరుగా డబ్బులు జమ చేయనున్నారు.

ఎందుకు తీసుకొచ్చారు ఈ పథకం?

ప్రస్తుతం రాష్ట్రంలో మహిళలకు ఉచిత బస్సు ప్రయాణం కల్పించే “స్త్రీ శక్తి పథకం” అమలు అవుతోంది. దీని కారణంగా ఆటో, క్యాబ్ డ్రైవర్ల ఆదాయం తగ్గిందని వారు ప్రభుత్వానికి విన్నవించడంతో, ప్రభుత్వం ఈ కొత్త పథకాన్ని తీసుకువచ్చింది. ముఖ్యమంత్రి అనంతపురంలో జరిగిన సభలో హామీ ఇచ్చినట్లుగానే, ఇప్పుడు ఆ వాగ్దానాన్ని నెరవేర్చుతున్నారు.

ఎవరికి లభిస్తుంది ఈ ప్రయోజనం?

ఈ పథకం కింద ఆటో, ట్యాక్సీ, మ్యాక్సీ క్యాబ్ డ్రైవర్లకే ఆర్థిక సాయం అందుతుంది.

Sanjeevani Health Scheme: ఏపీ సంజీవని పథకం – ఇంటివద్దే 2.5 లక్షల ఉచిత చికిత్సలు

• డ్రైవర్ స్వయంగా వాహన యజమాని అయి ఉండాలి.
• ఒక కుటుంబానికి ఒక వాహనానికి మాత్రమే ఈ సాయం వర్తిస్తుంది.
• గూడ్స్ వాహన యజమానులు ఈ పథకానికి అర్హులు కారు.

అర్హతలలో కొన్ని మినహాయింపులు కూడా ఉన్నాయి:

• ప్రభుత్వ ఉద్యోగులు ఉన్న కుటుంబాలు
• ఆదాయపు పన్ను చెల్లించే వారు
• నెలవారీ విద్యుత్ వినియోగం 300 యూనిట్లు దాటినవారు
• పట్టణ ప్రాంతాల్లో 1000 చదరపు అడుగులకు మించి ఇళ్లు ఉన్నవారు ఈ పథకం నుండి తప్పించబడతారు.

లబ్ధిదారుల సంఖ్య & ఆర్థిక భారం

ప్రస్తుతం మొత్తం 3.20 లక్షల దరఖాస్తులు అందాయి. సెప్టెంబర్ 24న తుది జాబితా సిద్ధమై, సచివాలయాల ద్వారా లబ్ధిదారుల ఎంపిక పూర్తయ్యింది. ఈ పథకం అమలుకు ప్రభుత్వం మొత్తం రూ.466 కోట్ల భారం భరించనుంది.

డ్రైవర్ల ఖాతాల్లోకి నేరుగా జమ

ఈ పథకం ప్రకారం డబ్బులు ఎటువంటి మద్యవర్తుల్లేకుండా లబ్ధిదారుల బ్యాంక్ ఖాతాల్లోకి నేరుగా జమ అవుతాయి. ఏపీలోని బీసీ, ఎస్సీ, ఎస్టీ, మైనార్టీ, కాపు, కమ్మ, ఈబీసీ, క్షత్రియ కార్పొరేషన్ల ద్వారా ఎంపికైన డ్రైవర్లు ఈ ప్రయోజనం పొందనున్నారు.

20 రూపాయలకే ₹2 లక్షల బీమా – పేదలకు PMSBY సురక్షిత భరోసా!

డ్రైవర్లకు నిజమైన దసరా కానుక

ఆటో, క్యాబ్ డ్రైవర్ల ఆర్థిక పరిస్థితి మెరుగుపడేలా ఈ పథకం సహాయపడనుంది. ప్రత్యేకంగా దసరా పండగ, గాంధీ జయంతి రోజున ప్రభుత్వం ఈ సాయం అందించడం వల్ల, డ్రైవర్లకు ఇది నిజమైన పండుగ కానుకగా మారనుంది.