20 రూపాయలకే ₹2 లక్షల బీమా – పేదలకు PMSBY సురక్షిత భరోసా!

By Hari Prasad

Published On: 09/23/2025

Follow Us

20 రూపాయలకే ₹2 లక్షల ఆర్థిక భరోసా – పేదల కోసం కేంద్రం వరం! | PMSBY 20 rs insurance 2 lakh benefits 2025

దేశంలోని నిరుపేదల సంక్షేమం కోసం కేంద్ర ప్రభుత్వం అనేక పథకాలను అమలు చేస్తోంది. గ్రామీణ ప్రాంతాల్లో ఉన్న పేద కూలీలకు ఉపాధితో పాటు ఆర్థిక రక్షణ కల్పించేలా ప్రధానమంత్రి సురక్ష బీమా యోజన (PMSBY) ప్రత్యేకంగా అమల్లో ఉంది. కేవలం 20 రూపాయల ప్రీమియం చెల్లిస్తే, ప్రమాదవశాత్తు మరణం లేదా వైకల్యం సంభవించినప్పుడు లబ్ధిదారుడి కుటుంబానికి ₹2 లక్షల వరకు బీమా సొమ్ము అందుతుంది.

✅ ఉపాధి హామీ కూలీలకు వరం

మహాత్మాగాంధీ జాతీయ గ్రామీణ ఉపాధి హామీ పథకంలో పనిచేస్తున్న కూలీలు, అలాగే బ్యాంకు లేదా పోస్టాఫీస్ ఖాతా ఉన్న ప్రతీ ఒక్కరూ ఈ పథకంలో చేరవచ్చు. 18 ఏళ్ల వయస్సు నుంచి 70 ఏళ్ల లోపు ఉన్నవారు అర్హులు. దరఖాస్తు చేసుకోవడానికి కేవలం 20 రూపాయల ప్రీమియం చెల్లించి బ్యాంకు లేదా పోస్టాఫీస్‌లో నమోదు చేయాలి.

ఒక్కొక్కరికి రూ.15 వేల దసరా కానుక!..అక్టోబర్ 2న ఖాతాల్లో నేరుగా డబ్బులు జమ | Auto Drivers Sevalo Scheme 2025

✅ బీమా కవరేజ్ వివరాలు

• ప్రమాదవశాత్తు మరణం లేదా రెండు చేతులు/రెండు కాళ్లు పనిచేయని స్థితిలో ₹2 లక్షలు
• ఒక చెయ్యి లేదా ఒక కాలు కోల్పోయిన సందర్భంలో, లేదా ఒక కన్ను చూపు కోల్పోతే ₹1 లక్ష
• ప్రతి సంవత్సరం జూన్ 1 నుండి మే 31 వరకు ఈ బీమా కవరేజ్ అమల్లో ఉంటుంది
• లబ్ధిదారుడి సేవింగ్స్ ఖాతా నుండి ప్రీమియం ఆటో డెబిట్ అవుతుంది

✅ ప్రీమియం – పాత & కొత్త రేట్లు

ప్రారంభంలో ప్రీమియం ₹12 మాత్రమే ఉండేది. కానీ ప్రస్తుతం అది ₹20కి పెరిగింది. అయినప్పటికీ, లబ్ధిదారులకు లభించే భరోసా, ఆర్థిక రక్షణతో పోల్చితే ఈ మొత్తం చాలా తక్కువ.

✅ ఎలా లబ్ధి పొందాలి?

ఈ పథకం ప్రయోజనం పొందడానికి ప్రతి సంవత్సరం మే 31లోపు లబ్ధిదారుడి ఖాతాలో కనీసం ₹20 ఉండేలా చూసుకోవాలి. మరణం సంభవించిన సందర్భంలో బీమా సొమ్ము నేరుగా వారసులకు చేరుతుంది. గ్రామీణ ప్రాంతాల్లో పనిచేసే కూలీలు తక్షణం తమ సమీపంలోని పోస్టాఫీస్ లేదా బ్యాంకులను సంప్రదించి PMSBYలో నమోదు చేసుకోవాలని అధికారులు సూచిస్తున్నారు.

Sanjeevani Health Scheme: ఏపీ సంజీవని పథకం – ఇంటివద్దే 2.5 లక్షల ఉచిత చికిత్సలు